د اسلامي امت په تېر، اوسني او راتلونکي وخت کې داسې یوه ورځ نشته چې له سرښندنې او قربانۍ څخه خالي وي. د دې ټولو سرښندنو او قربانیو یوازینۍ موخه د الله ﷻ رضا ترلاسه کول دي. دا رضا څنګه ترلاسه کېدای شي؟ الله تعالی فرمایي:
قُلْ اِنْ كُنْتُمْ تُحِبُّوْنَ اللّٰهَ فَاتَّبِعُوْنِيْ يُحْبِبْكُمُ اللّٰهُ وَيَغْفِرْ لَكُمْ ذُنُوْبَكُمْ ۭوَاللّٰهُ غَفُوْرٌ رَّحِيْمٌ (سورۃ آلِ عمران: ۳۱)
«(اې پیغمبره! خلکو ته) ووایه که تاسې له الله سره مينه لرئ، نو زما پيروي وکړئ، الله به درسره مينه وکړي او ستاسې په خاطر به ستاسې ګناهونه در وبښي، او الله ډېر بښونکی او مهربان دی.»
نو د مهربان، بښونکي او رحم کوونکي ذات رضا د محبوب ﷺ د سنتو په پیروۍ کې ده. د هغه ﷺ پر نقشِ قدم قدم اېښودل او په همدې لاره روانېدل، تر هغه چې مرګ موږ په خپله غېږه کې ونیسي. همدا اصلي خبره ده. او د الهي رضا اصلي ځای آخرت دی. په هغه تلپاتې کور کې د خپل مالک د راضي کولو لپاره، که په دې فاني نړۍ کې هر څه قربان هم شي، نو هېڅ قیمت، ارزښت او حیثیت نه لري. همدا د سیرت المصطفی ﷺ پیغام دی.
د محبوب ﷺ په سیرت کې به هېڅ داسې کوچنۍ مسئله هم ونه مومې چې له حکمت او تدبیر څخه تشه وي. د صفا غره پر سر د هادي علیه الصلاة والسلام له بلنې څخه نیولې، تر دار الارقم او شعب ابي طالب، هجرتِ حبشې، د عقبې درې، هجرتِ مدینې، مواخات، د مدینې تر میثاق، بدر او خندق، حدیبیې او خیبر، تبوک او فتح مکې پورې، هر ګام له رازونو، حکمتونو او ژور تدبر څخه ډک دی. تدبیر کول، د اسبابو او وسایلو اختیارول، په دې نړۍ کې د الهي رضا لپاره د غلبې ترلاسه کولو یو لازم او نه بېلېدونکی جزء دی. په حقیقت کې حکمت د سنت بل نوم دی.
خو یوه ډېره مهمه خبره، چې د محبوب ﷺ سنت ترې ډک دی، بلکې د هغه ﷺ دې نړۍ ته د راتګ څخه وړاندې د هغه د پلرونو له اسوې څخه نیولې، د هغه د لمسیانو تر ژوند او آن د قیامت تر ورځې پورې څرګنده او روښانه ده، هغه قرباني، سرښندنه، تر ځان تېرېدل او فدائیت ده. دلته یوازې خدمت او زحمت بسنه نه کوي. دلته یوازې تدبیر لرونکي قوماندانان هم بسنه نه کوي. د داسې تدبیر لرونکي امیر او جرنیل به څه وشي چې ستر ستر پلانونه جوړوي، خو ژوند یې له دوامدار عمل او فداکارۍ څخه تش وي؟ هغه بې غرضه قرباني او سرښندنه چې له هغې پرته نه یوازې په نړۍ کې بدلون نه راځي، بلکې د یوه کوچني کور اور هم نه بلېږي. هر دعوت د فدائیت غوښتونکی وي او د دې فدائیت او قربانۍ پیل د خپل نفس او خپل کور له قربانۍ څخه کېږي. ابراهیم علیه السلام ته وحی کېږي، نو هغه خپل ګران اسماعیل، د سترګو رڼا، د زړه ټوټه، د خپلو هیلو نړۍ، د نږدې یوې پېړۍ دعاوو پایله او د خپل زوړ عمر محبوب زوی پر یوه ډبره څملوي او ذبح کولو ته یې چمتو کېږي، علیهما الصلاة والسلام. د دې لپاره چې د الله دین قائم پاتې شي او تر قیامته پورې په دې دین کې هېڅ تحریف رامنځته نه شي، نو د ابراهیم، اسماعیل او سیدنا محمد ﷺ د لمسي، حسین بن علي رضی الله عنهما، له خپلې پاکې او سپېڅلې کورنۍ سره یو ځای خپل هر څه قربان کړل او د الله په لار کې یې هر څه له لاسه ورکړل.
اندھیری شب ہے، جدا اپنے قافلے سے ہے تُو
ترے لیے ہے مرا شعلۂ نوا قندیل
غریب و سادہ و رنگیں ہے داستانِ حرم
نہایت اس کی حسینؓ، ابتدا ہے اسماعیلؑ
«توره شپه ده او ته له خپل کاروان څخه جلا شوی یې. زما د نغمو لمبه ستا لپاره د څراغ حیثیت لري او لار درښيي.
د حرم کیسه ساده، بېتکلفه او له رنګونو او معناوو ډکه ده. د دې کیسې پیل له اسماعیل علیه السلام څخه کېږي او پای یې حسین رضي الله عنه ته رسېږي.»
د امتِ مسلمه په تېرو څه باندې څوارلس نیمو پېړیو کې هېڅ داسې شېبه نه ده تېر شوې چې له فداکارۍ خالي وي. ټول تدبیرونه، غوره پلانونه، لوړ حکمتونه او ستراتیژۍ د الله پر ذات له توکل سره جوړې شوې دي. ملا عمر، اسامه بن لادن او یحیی السنوار غوندې د بې نظیر استعداد لرونکي مشران د همدې زرینې لړۍ کړۍ دي. د نننۍ نړۍ په صحنه کې چې هره لوبه کېږي، نه د فری میسنز، د یهودي مشرانو د پروتوکولونو او نه د واشنګټن او لندن د سیاستونو تابع ده، بلکې دا د اسامه بن لادن او یحیی السنوار له خوا د چلول شوو حکیمانه تدبیرونو او نقشو انعکاس دی. هغوی یوازې د فکر او تدبیر له لارې د جګړې نقشې نه دي جوړې کړي، بلکې د خپلو قربانیو بېلګې یې هم وړاندې کړې دي. دوی د جګړې په شطرنج کې د طاغوتي ځواک لویې کلاګانې نسکورې کړې او د اسماعیل علیه السلام او حسین رضي الله عنه په پیروي کې یې د خپل بدن وروستي څاڅکي وینې هم قرباني کړې. همدا بشپړ او کامل کردار نن له موږ ټولو څخه زموږ په خپلو خپلو ساحو، زاویو، ادارو او میدانونو کې غوښتل کېږي. تاریخ خپل تر ټولو قیمتي او زرین فصلونه پرانستي دي. هڅه وکړئ چې په دې پاڼو کې خپل نوم د زړه د وینو په لیکلو ثبت کړئ. او د زړه د وینو بهېدونکي هغه کس حالت به د قیامت په ورځ داسې وي چې کله یې بدن بیا ژوندی کړل شي، د وینې رنګ به هماغه د وینې وي، خو خوشبویي به یې د مشک په شان وي!
اللھم اهدنا فیمن هدیت وعافنا فیمن عافیت وتولنا فیمن تولیت وبارك لنا فیما أعطیت وقنا شر ما قضیت إنك تقضی ولا یقضی علیك وإنه لا یذل من والیت ولا یعز من عادیت تبارکت ربنا وتعالیت!
اللھم وفقنا لما تحب وترضى وخذ من دمائنا حتى ترضى .اللھم اهدنا لما اختلف فیه من الحق بإذنك. اللھم زدنا ولا تنقصنا وأکرمنا ولا تھنّا وأعطنا ولا تحرمنا وآثرنا ولا تؤثر علینا وارضنا وارض عنا. اللھم إنّا نسئلك الثّبات فی الأمر ونسئلك عزیمۃ الرشد ونسئلك شكر نعمتك وحسن عبادتك. اللھم انصر من نصر دین محمد صلی اللّٰہ علیہ وسلم واجعلنا منھم واخذل من خذل دین محمد صلی اللّٰہ علیہ وسلم ولا تجعلنا منھم، آمین یا ربّ العالمین!
❊❊❊❊
